راجع الحمام

بتعرف شو يعني تنصاب بشظية وتنحمل لتتعالج هون؟ بتعرف شو يعني يكون المسكن خالص وتضطر تتحمل الوجع , تغمض عيونك بانتظار الوجع يخلص… للوقت يمر، إن بعد العسر يسرا، إن بعد العسر يسرا…

مشفى ميداني بحلب

مشفى ميداني بحلب

بتعرف شو يعني الجوع؟ الجوع لما ما يكون في مجال تاكل، تروح تدور على أكل ما تلاقي، تجمع الخبز اليابس من المزابل وتمسحهن وتبللهن بالمي لينبلعوا معك؟ بتعرف؟ لأ ما بتعرف، طالما أنت هون ما بتعرف، صدقني ما بتعرف.

هلأ شو بدي منك؟ ما بدي شي، بدي بس نوقف حكي شوي، بدياك توقف شوي وتسكت، تخرس… خلص!
لك لا تصير دفاعي ولا تدافع عن حالك، ليك أنا شخص عاطفي ما بيفهم بالسياسة والمصطلحات يلي عم يعلموكياعن برا بالسفارات، الآباء الروحيين يلي آكلين همنا وعم يرعوا مصالحنا بس لأنو بنعرف نمرق حالنا بالإنكليزي ومنعرف نحكي كلمتنين عين الله حولنا!
عم نحكي باسم الناس يلي عم تتوجع، هيك الواقع، لما تسب حالك قدام رفقاتك أنك طلعت وتحس بوجع ما بتفهم من وين لما تنام، هاد شي حقيقي، مو جلد للذات، لأنو نحنا موجودين هون بالمكان الخطأ أو الوقت الخطأ…

خايف من المخابرات؟ لك يلعن ربك ما في مخابرات فوق، في جيش حر يحميك، بلحية أو مع فودكا بس بيحميك.

ليك، الشغل مو برا ولك يا زلمة، لك مو برا… يلعن كلشي، خلينا ننزل، لك خلينا ننزل، نمسك بإيدو ليلي عم يتوجع ونحكيلوا عن الميترو بأوروبا وعن كيف لبس الشرطة بيضحك هون، خلينا ننزل وندور عن الخبز اليابس سوا، بركي بنلاقي خبز بلا شخاخ حمام، الحمام طار…. طار، الحمام طار، طار الحمام، حط الحمام، طار الحمام … راجع الحمام

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s